బౌన్స‌ర్ల దుకాణం పెట్టిందే రేవంత్ రెడ్డి.. ఎంపీ ర‌ఘునంద‌న్ రావు సంచ‌ల‌న వ్యాఖ్య‌లు

మెద‌క్ : తెలంగాణ సీఎం రేవంత్ రెడ్డిపై బీజేపీ ఎంపీ ర‌ఘునంద‌న్ రావు సంచ‌ల‌న వ్యాఖ్య‌లు చేశారు. బౌన్స‌ర్ల దుకాణం పెట్టిందే రేవంత్ రెడ్డి అని ర‌ఘునంద‌న్ రావు పేర్కొన్నారు.

ప్ర‌యివేటు బౌన్సర్లను తీసుకువ‌చ్చి నూకిపిచ్చే సంస్కృతి రాష్ట్రానికి తీసుకొచ్చిందే రేవంత్ రెడ్డి. పీసీసీ చీఫ్‌గా ఉన్నప్పుడు చుట్టూ బౌన్సర్లని పెట్టుకొని జనాలను పక్కకు నూకే కార్యక్రమం మొదలు పెట్టిందే రేవంత్ రెడ్డి. అల్లు అర్జున్ పంచాయితీలో బౌన్సర్లలను ఎందుకు తీసుకొస్తున్నారు? అని రఘునంద‌న్ రావు ప్ర‌శ్నించారు. హైదరాబాద్ సీపీ సీవీ ఆనంద్‌కు చిత్తశుద్ధి ఉంటే బౌన్సర్ల వ్యవస్థను మొత్తం రద్దు చేయమని చెప్పండి అని ఎంపీ రఘునందన్ రావు సూచించారు.